Afbeelding

Gait van de Renderklippen - Zundagse grei

Overig

Dat gevuul van Holland en de rest, dat al heerst vanof de Middeleeuwen, is nooit verdwenen. Daor kwam ik op een slordige woensdaggenmiddag achter. Trouwens, as ze mien in ‘t butenland vraog of ik uut Holland komme dan schud ik de kop en zegge: nee, uut Nederland. Ik wete wel da-j niet alles aover ene kam mag scheren. De nieje redacteur van disse krante, uut Delft, is d’r ene die ik metene al mien geld zol willen toevertrouwen, die dikke baoven de materie steet. En zo bint d’r nog duzende. Mar dan toch, de arrogantie van pättie Randstedelingen, veural uut Amsterdam, is nog altied anwiesbaar. En ze bint gehaaid, dat mut ik toegeven. Kiek nao de politiek, kiek nao verenigings en organsaties, de luu met de grootste bakkes, staot veuran, maak de dienst uut. En dat laot wie, met allenig kritiek aover de hegge, ons aoverkomen. Wie op ‘t platteland woont is een boer, agrariër of niet, en dan boer met een negatieve lading. Goed dan. Woensdaggenmiddag gink ik een stuksien anb de kuier. Niet al te heite.

Um de deure heer op de Klippen mooie pagies. Honde meug d’r nao een bonke klachten niet meer lös lopen. Mar daor deud de dame die mien met een herder tegemoet kwamp niks op uut. Zee an de lijn, de hond rennen alle kanten uut. Recht op mien of. Hee sprung tegen mien op met die starke smerige modderpoten en ik hoeven Merie niet meer uut te leggen wat de scha was. Ik aaien ‘m aover de kop, bin gek op honde. Ja, dat ku-j niet apver zien kante laoten gaon. Honde an de liene, en toch op zien minst excuus veur mien besmeerde shirt en broek. Mar wat dach ie? Of ik as boertien niet deur had da-j met die wègen hier de zundagse kleren in de kast liet liggen….

De mond viel mien open. Zundagse grei? Kastenpak? Ik hoeven d’r wieter veur de res niks meer an te doen. Jan van Bats kwam mien achterop. “Ik heb ‘t allemaole ezien Gait, laot ‘t mar an mien aover, disse vrouwe uut Amsterdam woont hier sinds kort in een dikke villa in de bos. Dat kump wel goed.” En jawel, saovens kwamp d’r zeg mar een livreier van ‘t mense an de deure met de vraoge wat de scha was. ‘t Zol aover emaak worden. ‘t Gunk mien niet in de eerste plaatse aover de scha. Dat had mien Merie met eur befaamde boenderie wel ree ekregen. Mar umme ‘t wegzetten van ons plattelanders as een stellegien domme ganzen. En of ‘t dan neudig is umme de vlagge op de kop te hangen en zo. Begriepen doe-k ‘t wel. Wie mutten veur ens en veur goed dudelijk maken an Den Haag dat d’r in dit land gien tweedehans volk woont waor a-j mee doen kunt wat oe in de kop schut. Luu die denk dat voedsel bie de super in de schappen gruuit. Ze wilt d’r achter komen. Dus: Nederland en gien Holland!


advertentie
advertentie
>
Afbeelding
Wereldkampioen BMX met twee zware blessures 5 aug, 14:13
Afbeelding
Provincie Gelderland vaart voor het eerst mee met Pride Amsterdam 5 aug, 08:46
Afbeelding
Provincie Gelderland waarschuwt voor steile bodems in zwemlocaties 4 aug, 10:27
Afbeelding
Provincie waarschuwt voor steile zwemoevers 4 aug, 10:19
Afbeelding
Gait van de Renderklippen - Zundagse grei 4 aug, 07:46
Afbeelding
Voedselbank steunt Oekraïne, maar ‘extra hulp levert tekorten op’ 4 aug, 07:40
Afbeelding
Voedselbank steunt Oekraïne, maar éxtra hulp levert tekorten op’ 4 aug, 07:38